Suliniutit Inunnit ingerlanneqartut. Allannguinerit Inunnit aqunneqartut
Inuit Nunaat Fundip suliniutit pisariaqartitat, nukittoqutaasussat nunaqqatigiillu takorluugai tapersersussallugit sulivoq.
Inuit nunaqarfigisaanni suiniutivut misissuataakkit
INF-ip Inuit periusai iliuuserisartagaalu aallaavigalugit eqaatsumik pissarsiariuminartumillu aningaasaliiffigineqarnikkut qitiutippai. Kattuffiit pioreersut ataasiakkaallu sulineri tapersersorpavut tamarmik nunaqqatinut sammititamik suliaqartuuppata.
Inuit Self Determination Fund
The Inuit Self Determination Fund tassaavoq Inuit siuttuuffigisaannik inuit nunagisaanni ingerlatsinerit pillugit tapersersuisoq. Tapiissutaasut Inunnit aqunneqartut periarfissiissapput annerusumik suli aaliangersinnaanerinut nukitsorsaasinnaasut aammalu Inuit Nunaat Fundip pingaartitaanit minnerpaamik ataatsimik arlariinnilluu periusissiaanit anguniakkatut aallaavillit.
Kattuffitsigut ineriartortitsineq immikkut kattuffeqartunut aamma atuupput pingaartumik nutaamik aallartisarniarlutik suliaqalersimasunut. Aningaasaateqarfiup uummatigaa Inuit kinaassusaasa inuiaqatigiinnilu nukittuumik inissisimanissaannut suleqataasut tapersersussallugit.
Aningaasaateqarfimmut qinnuteqartoqarsinnaasut maannakkut immikkut kajumissaarneqarsimasunuinnaq atuuppoq.
Tapiiffigineqarneq pillugu annerusumik paasisaqarit.
Ilikkarneq paarlaaqatigiinnerlu.
Inuit Nunaat Fundip periarfissippai Inuit Nunaanni paarlaaqatigiittarsinnaanermut isumamik qinnuteqarsinnaanermik ilisimasatigut paarlaaqatigiissinnaanermut isumassarsiorsinnaanermullu periarfissiilluni tamakkulu tamarmik Inuit Nunaat Fundip periusissiiatigut naapertuuttuuppata pisinnaalluni. Tamakku tamarmik Inuit nunaanniit aallaaveqarlutillu Inuit Nunaanni ingerlanneqartartuussapput.
We are currently accepting applications. Deadline is October 1 2025.
Inuit ataasiakkaat sullittut.
Inuit ataasiakkaat sullittut Inuit Nunaat Fundimit tapersersorneqarput tassaasunut kattufimmik tunuliaqutaqaratik inuttut sullittunut Inuit pisinnaatitaaffii pillugit suliniartunut namminerlu aaliangiisinnaaneq siuarsarniarlugu suliaqartunut sammititaq. Inuit ataasiakkaat sullittut Inuit Nunaannit tamanit tapersersorneqartassapput: Alaskamit, Canadamit Kalaallit Nunaanniillu.
2026-mi aallartissaaq, annerusumik paasisaqarumallutit malinnaasuarit.
Aningaasaliiniarnermi tunngaviit
INF-ip aningaasaliiniarnermini attaveqatigiinnerit annertusarneqartut naleqartitavullu ataatsimoorfivut tunngavigai. Tunngaviit taakku suliniutini tapersersukkatsigut takusinnaajumavagut ataqqinnitsumik, anguneqarsinnaasumik, tatiginninnermik nassatatsinnik kivinneqartut.
Nunaqarfiit qitiutillugit iluattitsinissamut qulakkeerinnitsut
Nunaqarfiit ineriartortitassat immikkut ukkaralugit
Annersitsinnginnissaq
Qulakkiissallugu ataasiakkaat, pingaartumik inuusuttut, suliniutini suleqataanissaat imaluunniit kattuffiit toqqissisimanartut arlaatigut innarliinatillu kingunerluuteqarsinnaasutigut suliaqanngitsut.
Ajornanngippat kattuffiit ukiuni arlariinni siunertaqarluartunik suliniutilli tapersersorlugit
Oqaatsitigut assigiinngitsuuneq inissaqartillugu
Tatiginninneq tunaartaralugu misiginerluuteqarsimanerup kinguneri pillugit paasisimasaqassuseqarneq
Suleriuseq tunniusimassutsimik tunngavilik siuarsarlugu
Inissaqartitsineq suliniarnermilu isummersorluarnissamut periarfissaqartitsineq
Immitsinnut akisussaaffitta kivinnissaa ataatsimoorfigalugu, suleqatititsinnut, nunaqqatitsinnut, avatangiisitsinnut siulersuatsinnullu aamma atuutsillugu.
Anguniakkat pillugit periusissiaq
Inuit Nunaat Fundimi anguniakkavut tamarmik ingerlatsinikkut nunaqqatigiinnut sammititaapput, Inunnit siuttuuffigineqarlutut, nukissamik qitiutitsisut, inuusuttunik akuutitsisut ataatsimoortumillu nipeqarnermik anersaaqartut. Tunniusimaffigisat qitiutitat tassaapput periusissiami anguniakkat Inuit Nunaanni tamani sulinikkut siammartigassat.
Oqaatsit nukitsorsarlugit
Inuit Nunaanni tamani Inuttut oqaatsit uterteqqinniarnerini ilinniartitsiniarnermilu periarfissanik siuarsaassalluni.
Avatangiisit pillugit siuttuuneq
aqutsineq Inunnit siuttuuffigineqartut siuarsassallugit imartani, nunami silaannarmilu aammalu ataatsimooqatigiittumik suniiniarneq pilersaarusiornerlu ingerlatissallugu.
Ilisimasat anersaarsiornerlu
Nunap inuisut ilisimasaqassuseq annertusarlugu aammalu anersaarsiorneq ataqqillugit ilisimatusarnerni, ilinniartitaanermi aammalu kulturikkut ingerlatsinermi.
Ilaqutariit meeqqallu peqqissut
ilaqutariit nukitsorsassallugit Inuit perorsaariaasianik qitiutitsineq aammalu kinguaariit nikittarnerini susassareqatigiinnikkut paaqqutarinninneq.
Aningaasaqarnikkut imminut aaliangersaasinnaaneq
nunaqqatigiittut inuussutissarsiortut mikisut aallartisarniartullu tamaasa tunuliaqutserlugit tapersersuisinnaaneq.
Saamit suleqatigalugit
Saaminut attaveqarneq nukitsorsassallugu suleqatigiinnikkut namminerisamillu aaliangersaasinnaanermut ingerlarsornermi anguniagaqarnermi suleqatigiinnikkut.
Taperneqartartut suleqatigineri tulluuserimaarutigeqaagut imminullu aaliangersaaqataasinnaanermut suliniartut peqatiginerinut tulluusimaarutiginnippugut.
Apeqqqutigineqakkajuttut
Nutaarsiassat, Oqaluttuat, Inuit Nunaanni aningaasarsiornikkut paasissutissat kingulliit.
Inuit nunagi nunaqarfiilu aamma kattuffiit imminut pigisut Inuit Nunaaniittut suliniutiminnut tapiissuteqarfigineqarnissamik qinnuteqarsinnaapput. Ajunngitsuliiortutut nalunaarsorsimasuusariaqanngilatit imaluunniit annertoorujussuarmik piusimanermik uppernarsaassuteqartariaqarnat - aporfissat annikillisassallugit sulivugut maana.
Inuit ataasiakkaat qinnuteqarsinnaapput qinnuteqarfissat ammarnerini.
“Ilinniarneq aamma Paarlaatseqatigiinneq” ammaassivigilerparput periarfissaalissaaq 2025-it ukiaanerani. Inuit nammineq aaliangersaasinnaanerat pilugu aningaasaateqarfik, Inuit Self Determination Fund kaammattorneqartunut taamaallaat qinnuteqarfigineqarsinnaavoq. Inuit Fellowship Program qinnuteqarfigineqarsinnaalissaaq 2026-mi. Malinnaajumallutit allatsigit.
INF aningaasaleeriaatsit tapiiffisiginnaanerillu assigiinngitsut ingerlappai soorlu naliginnaasumik ingerlatsinernut, suliniutinut ingerlareersunut, suliniutut misileraarutaasut imaluunniit nutaat, suliniutit annertusarneqartut (sumiiffimmiinnaq aamma/imaluunniit sumiiffinni) aammalu piginnaanngorsaanerit.
INF-mi takorluukkatsinnut, naleartittsinnut aammalu periutsitsinnut anguniakkanut naapertuuttunut aningaasaliisarpugut soorlu oqaatsitigut nukittorsaanerit, avatangiisitigut aqutsinikkut siuttuunerit, qangatut inooriaatsimik ingerlatsinermi tunaartaqarnermi aamma ilaqutariit nunaqqatigiillu nukitsuut pilersinniarlugit suliniartunut.
Attaveqarfigtigut
Apeqqutit? INF-rmiut attavigikkit.
Paaseqqaakkit
Pilersaarutit nutaat pillugit paasisaqarit, ullussaliussat, aa,,ali INF-mut attaveqarnissamut Inuit ingerlataannut periarfissaqarit.
