ᐃᓄᓐᓄᑦ−ᓯᕗᓕᖅᑕᐅᔪᑦ ᐱᓕᕆᐊᑦᓴᐃᑦ. ᐃᓄᓐᓄᑦ−ᐊᐅᓚᑕᐅᔪᓄᑦ ᐊᓯᔾᔨᖅᑐᐃᓂᖅ.

ᐅᓪᓗᓄᑦ ᐱᖓᓱᓄᑦ ᑲᑎᙵᓂᐅᔪᖅ ᐱᑕᖃᖅᑎᑦᓯᓚᐅᖅᑐᖅ ᐃᓕᖅᑯᓯᖃᑎᒌᙱᑦᑐᓂ ᐊᕙᑎᖃᖃᑎᒌᓐᓂᕐᒥ ᑕᐅᖅᓰᖃᑎᒌᑦᑐᑎᑦ ᐊᔪᙱᓐᓂᕆᔭᒥᓂᑦ, ᐅᖃᐅᓯᕐᓂ ᐱᖅᑯᓯᑐᖃᓂᓪᓗ ᖃᐅᔨᒪᓂᕐᒥᓂ ᐊᖏᔫᓪᓗᑎᑦ ᖁᓕᓯᒪᙱᑦᑐᑦ ᕿᓯᔭᕐᓂᑦ ᐅᒥᐊᓕᐅᕐᓂᖅ. ᑲᑎᒪᓂᐅᔪᖅ ᐱᖃᓯᐅᔾᔨᓚᐅᖅᑐᖅ ᑲᑎᒪᓂᐊᕈᓯᕐᓂᑦ, ᑐᓴᖅᑎᑦᓯᒍᑎᖃᕈᑎᓂᑦ ᐊᒻᒪᓗ ᐃᓱᒪᑦᓴᖅᓯᐅᕈᑎᖃᕐᓂᐅᔪᓂᒃ ᓯᕗᓕᖅᑕᐅᓪᓗᑎᑦ ᓴᓇᔨᒻᒪᕆᐅᔪᓄᑦ, ᐃᓕᖅᑯᓯᕐᒥᒃ ᐸᐸᑦᓯᔨᐅᔪᓄᑦ ᐊᒻᒪᓗ ᖃᐅᔨᒪᔨᒻᒪᕆᐅᔪᓄᑦ ᐅᒥᐊᓕᐅᕐᓂᕐᒥ.

ᐃᓄᐃᑦ ᓴᓇᑐᔪᒻᒪᕆᐅᓂᖏᑦ − ᐊᓐᓄᕌᕗᑦ ᑲᑎᓐᓂᐅᔪᖅ ᑲᒪᒋᔭᖃᕆᐊᓚᐅᖅᑐᒃ ᐱᒻᒪᕆᐅᓪᓗᓂ ᐱᑕᖃᕆᐊᖃᕐᓂᖓᓂᑦ ᐃᓕᖅᑯᓯᑐᖃᖅᑎᒍᑦ ᐱᐅᓕᑦᓯᒋᐊᕐᓂᕐᒥ ᐆᒻᒪᕆᑦᑎᑦᓯᒋᐊᕐᓂᕐᒥᓪᓗ ᐃᓄᐃᑦ ᐱᖅᑯᓯᑐᖃᖏᓐᓂᑦ ᐊᓚᒡᒐᐃᒋᐊᖅᑎᑦᓯᓂᒃᑯᑦ ᐊᔾᔨᒌᙱᑦᑑᑎᒻᒪᕆᐅᓪᓗᑎᑦ ᐱᖅᑯᓰᑦ, ᓴᓇᕐᕈᑏᑦ, ᓴᓇᒍᓰᑦ, ᐃᓕᑦᑎᐅᑏᑦ, ᐊᒻᒪᓗ ᑐᑭᖏᑦ ᐃᓕᐅᖅᑲᖅᓯᒪᔪᑦ ᐃᓄᐃᑦ ᐱᖅᑯᓯᑐᖃᖅᑎᒍᑦ ᐅᓪᓗᒥᑕᕐᓂᓪᓗ ᐊᓐᓄᕋᔾᔨᐅᕈᓯᖏᓐᓄᑦ ᐃᓄᐃᑦ ᓄᓈᖓᓐᓂᓕᒫᖅ.

ᑲᑎᖃᑎᒌᓐᓂᖅ ᑕᐅᖅᓰᖃᑦᑕᐅᑎᓚᐅᖅᑐᑦ ᖃᐅᔨᒪᓂᐅᔪᓂᒃ ᐊᖑᓇᓱᓐᓂᐅᑉ ᐱᒍᓯᒋᓐᓂᑦ, ᐊᖑᓇᓱᓐᓂᒃᑯᑦ ᐃᓅᓇᓱᐊᕈᑎᖃᕐᓂᖅ, ᐊᒻᒪᓗ ᐊᖑᓇᓱᓐᓂᖅ ᑐᙵᕕᒋᔭᐅᓪᓗᓂ ᐱᕙᓪᓕᐊᑎᑦᓯᓂᕐᒥᑦ ᐃᓄᓐᓂᑦ ᑐᙵᕕᖃᕐᓂᖅᓴᒥᑦ ᑮᓇᐅᔭᓕᐅᕈᑎᑦᓴᓂᑦ, ᓄᑖᓂᑦ ᓴᖅᑮᓂᕐᒥᑦ, ᐊᒻᒪᓗ ᓇᒻᒥᓂᖅᓲᑎᖃᕈᓐᓇᕐᓂᖅ.

ᑲᑎᓐᓂᐅᔪᖅ ᑐᕌᖓᓪᓚᕆᓚᐅᖅᑐᖅ ᐃᓄᓐᓄᑦ ᑲᔪᓯᑎᑦᓯᕙᒌᖅᑐᓄᑦ ᓄᓇᓕᓐᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᑦᓴᖃᖅᑎᑦᓯᓂᕐᒥ ᓄᓇᓕᒻᒥᓂ. ᑲᑎᑦᑎᑕᐅᓂᖏᒍᑦ ᓯᕗᓕᖅᑏᑦ ᐱᓯᒪᔪᑦ ᐃᓄᐃᑦ ᓄᓇᖓᓂ, ᑲᑎᓐᓂᐅᔪᖅ ᑲᓲᖅᑎᕆᓚᐅᖅᑐᖅ ᑕᐃᒪᐃᒃᑯᐊᒥᓄᑦ ᓄᓇᕐᔪᐊᓕᒫᕐᒦᖔᖅᑐᓂᑦ, ᓴᖅᑮᓪᓗᓂ ᐃᑲᔪᖅᑐᐃᔪᓂᒃ ᓄᓇᓕᓐᓂᑦ ᐊᑐᖅᑕᐅᕙᑦᑐᓂᒃ ᐊᒻᒪᓗ ᐃᓂᖃᖅᑎᑦᓯᓪᓗᓂ ᐋᖅᑭᑦᓱᐃᓂᕐᒧᑦ ᑲᑐᔾᔨᓂᒃᑯᑦ ᑕᐅᑐᙳᐊᖅᑕᒥᓂᒃ ᓯᕗᓂᑦᓴᒧᑦ.

ᐱᓪᓗᐊᑕᕆᔭᐅᓚᐅᖅᑐᖅ ᑕᐅᖅᓰᖃᑎᒌᓐᓂᕐᒧᑦ ᖃᓄᖅᑑᕐᓂᖅ: ᐃᑲᔪᖅᑐᐃᓂᖅ ᐃᓕᖅᑯᓯᑦᑎᓐᓂᒃ ᓴᙱᓂᕆᔭᑦᑎᓐᓂᒃ ᑲᓲᒪᓂᕆᔭᑦᑎᓐᓂᓪᓗ. ᐃᓄᐃᑦ ᓴᓇᙳᐊᖅᑏᑦ ᐅᖓᓯᑦᑐᒦᙶᖅᑐᑦ ᑲᑐᔾᔨᖃᑦᑕᓚᐅᖅᑐᑦ ᖃᐅᔨᒪᓂᕐᒥᓂᒃ ᐊᒻᒪᓗ ᐊᔪᙱᓐᓂᕆᔭᒥᓂᑦ ᐊᑑᑎᖃᓪᓚᕆᑦᑐᓂᑦ, ᐊᑐᖅᑐᑎᒃ ᐊᑐᐃᓐᓇᐅᔪᓂ ᓴᓇᒐᑦᓴᕐᓂᑦ, ᐊᒻᒪᓗ ᓇᓂᓯᓪᓗᑎᑦ ᐋᖅᑭᒍᑎᑦᓴᓂᒃ ᑖᑦᓱᒥᖓᑦᓴᐃᓐᓇᖅ ᐱᓇᐃᓗᑕᖃᖃᑎᒌᓐᓂᐅᔪᓄᑦ ᐊᑐᖅᑐᑎᒃ ᓴᓇᑦᑐᓕᓂᐅᓂᑦᑎᓐᓂᑦ ᐊᒻᒪᓗ ᓴᓇᑐᔪᒻᒪᕆᐅᓂᑦᑎᓐᓂᑦ.