ᑭᓇᐅᓂᕗᑦ.
ᓱᒻᒪᑦ ᑕᒫᓃᒻᒪᖔᑦᑕ.
ᐃᓄᐃᑦ ᓄᓈᓐᓄᑦ ᑮᓇᐅᔭᑦ ᓴᖅᑭᑕᐅᓯᒪᔪᖅ ᐃᑲᔪᖅᑐᐃᒍᑕᐅᓗᓂ ᐃᓄᓐᓄᑦ−ᓯᕗᓕᖅᑕᐅᔪᓄᑦ ᐋᖅᑭᒍᑎᑦᓴᓂᒃ ᐊᓯᔾᔩᒋᐊᕈᑕᐅᓪᓗᓂᓪᓗ ᖃᓄᖅ ᑮᓇᐅᔭᑦᑑᑎᑦᓴᐃᑦ ᐊᐅᓚᓂᖃᓲᖑᒻᒪᖔᑕ ᓄᓇᓕᑦᑎᓐᓂ. ᓴᓇᕙᓪᓕᐊᒐᑦᑕ ᐅᐱᒍᓱᒃᑐᓂᒃ ᑭᖑᓂᑦᑎᓐᓂᒃ ᐊᒻᒪᓗ ᓯᕗᓂᒃᓴᑦᑎᓐᓄᑦ ᑮᓇᐅᔭᖃᖅᑎᑦᑎᓪᓗᑕ.
ᐱᒋᐊᕐᓂᕆᓯᒪᔭᕗᑦ
ᔫᓂ 2023-ᖑᑎᓪᓗᒍ ᑲᑎᓯᒪᔪᑦ ᐃᓄᐃᑦ ᓴᐱᖅᑕᐃᑦᑑᓪᓗᑎᑦ ᐅᑭᐅᖅᑕᖅᑐᒥᐅᖑᓪᓚᕆᑦᓯᒪᔪᑦ ᑲᑎᓚᐅᖅᓯᒪᔪᑦ ᕿᑭᖅᑕᕐᕈᖅ ᐊᓛᔅᑲᒥ ᐅᖃᐅᓯᖃᕆᐊᖅᑐᖅᑐᑎᒃ ᓯᕗᓂᑦᓴᖃᑎᒌᓐᓂᑦᑎᓐᓂᒃ ᓴᓇᓪᓗᑎᓪᓗ ᑕᐅᑐᙳᐊᖃᑎᒌᓐᓂᕐᒥᒃ ᑐᙵᕕᖃᖅᑐᓂᒃ ᐊᔾᔨᐅᖏᑦᑐᓂᒃ ᐃᓕᖅᑯᓯᑐᖃᖅᑎᒍᑦ ᐱᖁᑎᒋᔭᐅᔪᓂᒃ ᐃᓄᖁᑎᑦᑎᓐᓄᑦ ᐅᑭᐅᖅᑕᖅᑐᒥᐅᑕᐅᖃᑎᒌᑦᑐᓕᒫᕐᒥ.
ᑕᒪᓐᓇ ᑕᐅᑐᒐᕆᔭᐅᔪᖅ ᐃᓱᒪᒋᓪᓗᒍ, ᐃᓄᐃᑦ ᓄᓈᓐᓂ ᑮᓇᐅᔭᖅᑑᑎᑦᓴᖃᕐᕕᒃ ᒋ ᐱᒋᐊᕈᑎᒋᓯᓚᐅᖅᓯᒪᔭᕗᑦ.
ᐅᑉᐱᕆᔭᖃᖅᑐᒍᑦ ᓴᙱᓂᖃᕆᐊᖏᓐᓂᒃ ᐃᓄᐃᑦ ᓄᓇᓕᖏᑦ ᑕᐅᑐᙳᐊᕈᓐᓇᕆᐊᖏᑦ ᐊᒻᒪᓗ ᓴᖅᑭᑦᓯᔪᓐᓇᕐᓂᖏᓐᓂᒃ ᓄᓇᕐᔪᐊᕐᒥ ᒪᑭᑕᑦᓯᐊᕈᑎᒋᒍᓐᓇᖅᑕᑎᓐᓂᑦ - ᓄᓇᕐᔪᐊᕐᒥ ᑐᙵᕕᖃᖅᑐᒥᒃ ᐱᒻᒪᕆᐅᒋᔭᑦᑎᓐᓂᒃ ᐊᒻᒪᓗ ᐱᓕᕆᕕᒋᕙᑦᑕᑦᑎᓐᓂᒃ ᐅᑎᖅᑎᑦᓯᓇᓱᐊᕐᓂᕐᒧᑦ, ᐅᑎᖅᑎᑦᓯᓂᕐᒧᑦ ᐊᒻᒪᓗ ᐊᖏᖅᓯᒪᒃᑲᓐᓂᕐᓂᕐᒧᑦ ᐃᓅᓯᕆᓯᒪᔭᑦᑕ ᐊᑦᓱᕈᕐᓇᖅᑐᒃᑰᖃᑦᑕᖅᓯᒪᒍᑎᒋᒐᑦᑎᒍ ᐊᕐᕌᒍᕋᓴᕐᓄᑦ ᓯᓚᑎᑦᑎᓐᓃᖔᖅᑐᓄᑦ ᐊᐅᓚᑕᐅᓯᒪᓂᕗᑦ.
ᐊᔪᐃᓐᓈᕆᔭᖃᖅᑐᒍᑦ ᐊᑦᑕᓇᙱᑦᑐᒦᓪᓗᑎᑦ ᐃᓂᖃᖅᑎᑦᓯᒍᒪᓪᓗᑕ ᓄᓇᖃᖅᑳᖅᓯᒪᔪᓂᑦ ᑎᒍᓯᒃᑲᓐᓂᖁᓪᓗᑕ ᓇᒻᒥᓂᖅ ᐊᐅᓚᑦᓯᒍᓐᓇᓂᕐᒥᒃ ᓇᐅᒃᑯᓕᒫᖅ ᑎᒍᓯᒃᑲᓐᓂᕐᓗᑎᑦ ᓄᓇᖃᖅᑳᖅᓯᒪᔪᐃᑦ ᐱᔪᓐᓇᐅᑎᖃᖅᑎᐅᓂᕐᒥᓂᒃ, ᐱᔭᑦᓴᖃᕈᒪᓂᕐᒥᒃ ᐊᒻᒪᓗ ᓇᒻᒥᓂᖅ ᓯᕗᓂᑦᓴᒥᓂᑦ ᐊᐅᓚᑦᓯᒍᓐᓇᕐᓗᑎᑦ.
ᓴᙱᓂᖃᕈᑎᒋᕙᕗᑦ ᐊᑐᕆᐊᖃᑦᑕᖅᑐᑕᓪᓗ ᖁᐊᖅᓵᓇᖅᑐᒃᑰᖅᓯᒪᔪᓂᑦ ᑐᑭᓯᒪᓂᖃᖅᑐᓂᑦ ᖃᓄᖅ ᐱᐅᓯᖃᖃᑎᒌᒍᓐᓇᕐᒪᖔᑦᑕ ᖃᓄᕐᓗ ᓄᓇᓕᐅᔪᑦ ᖃᓂᒋᔭᕗᑦ ᐱᐅᓯᖃᕐᕕᒋᒍᓐᓇᕐᒪᖔᑦᑎᒍ ᐃᑉᐱᒋᑦᓯᐊᖅᓱᒋᑦ ᓇᒻᒥᓂᖅ ᐊᔾᔨᐅᖏᑦᑐᓂᒃ ᑭᖑᓂᑦᑎᓐᓂ ᐊᑐᖅᓯᒪᔭᖏᓐᓂᑦ.
ᑐᕌᒐᕆᓪᓗᐊᑕᖅᑕᕗᑦ ᑭᖑᕚᕆᓂᐊᖅᑕᑦᑎᓐᓄᑦ ᕿᑐᕐᖓᕗᑦ ᐃᕐᖑᑕᕗᓪᓗ ᖃᐅᔨᒪᖁᒐᑦᑎᒋᑦ ᑭᓇᐅᓂᕐᒥᓂᒃ, ᓇᑭᙶᖅᓯᒪᓂᕐᒥᓂᒃ ᐊᒻᒪᓗ ᓯᕗᓂᒃᓴᑦᑎᓐᓂ ᒪᑭᑕᑦᓯᐊᖁᓪᓗᒋᑦ ᓄᓇᑦᑎᓐᓂ. ᑐᙵᕕᒌᓐᓇᓕᒫᖅᑕᕗᑦ ᐱᓕᕆᖃᑎᒌᓐᓂᕆᕙᑦᑕᕗᑦ ᓇᐅᓕᒫᑎᒍᑦ ᐱᓕᕆᐊᕆᕙᑦᑕᑎᒍᑦ. ᐊᔾᔨᐅᖏᑦᑐᓂᒃ ᐃᓕᖅᑯᓯᑐᖃᖅᑎᒍᑦ ᐱᖁᑎᒋᔭᐅᔪᓂᒃ ᐃᓄᖁᑎᑦᑎᓐᓄᑦ ᐅᑭᐅᖅᑕᖅᑐᒥᐅᑕᐅᖃᑎᒌᑦᑐᓕᒫᕐᒥ. ᑕᒪᓐᓇ ᑕᐅᑐᒐᕆᔭᐅᔪᖅ ᐃᓱᒪᒋᓪᓗᒍ, ᐃᓄᐃᑦ ᓄᓈᓐᓂ ᑮᓇᐅᔭᖅᑑᑎᑦᓴᖃᕐᕕᒃ ᒋ ᐱᒋᐊᕈᑎᒋᓯᓚᐅᖅᓯᒪᔭᕗᑦ.
ᑐᙵᕕᖃᖅᑐᑕ ᐱᔾᔪᑎᖃᕐᓂᕐᒥ, ᓯᕗᓕᖅᑕᐅᓪᓗᑕ ᐱᒻᒪᕆᐅᒋᔭᑦᑎᓐᓄᑦ
ᑐᕌᒐᕆᔭᕗᑦ
ᓴᙱᓂᖅᓴᕈᖅᑎᓗᒋᑦ ᐃᑲᔪᖅᑐᕐᓗᒋᓪᓗ ᐃᓄᐃᑦ ᓇᖕᒥᓂᖅᓱᓕᕈᓐᓇᕐᓂᖏᑦ ᐊᑐᐃᓐᓇᐅᑎᑦᓯᓂᒃᑯᑦ ᑐᓂᕐᕈᓯᐊᑎᒍᑦ ᑮᓇᐅᔭᖅᑑᑎᑦᓴᓂᑦ ᐊᒻᒪᓗ ᐱᕕᑦᓴᖃᖅᑎᑦᓯᓂᒃᑯᑦ ᐊᔪᕈᓐᓃᖅᓴᖅᑕᐅᓯᒪᔪᓂ.
ᑕᐅᑐᙳᐊᖅᑕᕗᑦ
ᐃᓄᐃᑦ ᒪᑭᑉᐸᓪᓕᐊᑦᓯᐊᕐᓗᑎᒃ ᓄᓇᑦᑎᓐᓂ—ᐱᕈᖅᐸᓪᓕᐊᒍᑎᖃᕐᓗᑎᑦ ᓯᕗᓕᑦᑕ ᓴᙱᓂᖏᓐᓂᒃ ᐊᒻᒪᓗ ᐃᓅᓯᖃᑦᓯᐊᕐᓗᑎᒃ ᓄᓇᒥ, ᑕᕆᐅᕐᒥ, ᐊᒻᒪᓗ ᓯᓚᒥ.
ᐱᒻᒪᕆᐅᒋᔭᕗᑦ
• ᐅᑉᐱᕆᔭᖃᕐᓂᖅ ᓇᒻᒥᓂᖅ ᐊᓯᑦᑎᓐᓂᓗ
• ᑕᐅᑐᒋᐊᕐᓂᖅ ᖃᖅᑲᐅᑉ ᖄᖓᓃᑦᑐᖅᑎᑐᑦ
• ᐃᓱᒪᑦᓴᖅᓯᐅᕐᓂᖅ ᐃᓗᐃᒃᑲᐅᓗᒍ
• ᐃᓵᑦᓯᒪᑦᓯᐊᕈᑎᒋᓗᒋᑦ ᐃᓱᒪᒋᔭᐅᓯᒪᔪᑦ, ᐃᓅᓯᕆᔭᐅᔪᑦ ᐊᒻᒪᓗ ᐱᓕᕆᔾᔪᓰᑦ
• ᐱᓕᒻᒪᓴᕈᑎᒋᕙᓪᓗᒋᑦ ᑐᓂᓯᖃᑦᑕᐅᑎᑦᓯᐊᕐᓂᖅ, ᑐᙵᓇᕐᓂᖅ, ᕿᓄᐃᓵᕈᓐᓇᕐᓂᖅ ᐊᒻᒪᓗ ᑐᓂᓯᔪᓐᓇᕐᓂᖅ
• ᐱᓐᓇᕆᓗᒋᑦ ᐊᑦᑐᐊᓂᖃᕈᑎᕗᑦ ᐃᓚᒌᓐᓂᒃᑯᑦ, ᓄᓇᒧᑦ ᐊᒻᒪᓗ ᐆᒪᔪᓕᒫᕐᓄᑦ
• ᐱᕈᖅᐸᓪᓕᐊᑎᑦᓯᓂᖅ ᓴᙱᔪᓂᒃ ᓄᓇᓕᓐᓂᑦ ᐊᒻᒪᓗ ᓇᔫᑎᕕᒋᑦᓯᐊᕈᓐᓇᕐᓗᒍ
• ᐃᓂᖃᖅᑎᑦᓯᓗᑕ ᑐᓴᐅᒪᖃᑦᑕᐅᑎᒍᓐᓇᖁᓪᓗᑕ ᓱᓕᔪᖁᑎᑦᑎᓐᓂᑦ
ᐃᖅᑲᓇᐃᔭᖅᑎᕗᑦ
ᐊᒥᓲᙱᑦᑑᓪᓗᑕ ᑲᑎᓯᒪᔪᒍᑦ ᐱᓇᓱᐊᕈᒪᓪᓗᑕ ᐃᓄᓐᓄᑦ ᐊᐅᓚᑕᐅᔪᓂᒃ ᑮᓇᐅᔭᖅᑑᑎᑦᓴᓂᒃ ᓴᖅᑭᔮᖅᑎᑦᓯᔪᓂᑦ ᓴᙱᓂᕆᔭᖏᓐᓂᒃ ᐊᔾᔨᒌᙱᑦᑑᑕᐅᓂᖏᓐᓂᓪᓗ ᓄᓇᓕᕗᑦ.
ᔮᓃᓐ ᒪᕐᕉᕕᒻᒥᐅᑕᖅ, ᓄᓇᑦᓯᐊᕗᒻᒥ, ᖁᕕᐊᒋᔭᖃᓪᓚᕆᑦᑐᓂᓪᓗ ᐊᔭᐅᖅᑐᐃᒍᑎᖃᕐᓂᕐᒥ ᐃᓄᐃᑦ ᐅᖃᐅᓯᖓᓂᒃ ᐃᓕᖅᑯᓯᖏᓐᓂᓪᓗ. ᓯᓚᑦᑐᓴᕐᕕᕐᔪᐊᕐᒥ ᐃᓕᓐᓂᐊᕇᕈᑎᑖᖅᓯᒪᔪᖅ ᒐᕙᒪᓕᕆᓂᕐᒥᒃ ᐊᒻᒪᓗ ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕐᓂᕐᒥᒃ ᐊᒻᒪᓗ ᐱᒋᐊᖅᑎᑦᓯᖃᑦᑕᖅᓯᒪᔪᖅ ᓲᕐᓗ ᐊᑭᖃᙱᑦᑐᒥ ᐃᓄᒃᑎᑐᑦ ᐃᓕᓐᓂᐊᖅᑎᑦᓯᓂᕐᒥᒃ, ᐃᓕᖅᑯᓯᓕᕆᓂᕐᒧᑦ ᐃᓕᓐᓂᐊᑎᑦᓯᒍᑎᓂᑦ ᑲᑎᒻᒪᓂᒃᑯᑦ ᐊᒻᒪᓗ ᐃᖅᑲᐅᒪᔾᔪᑎᑎᒍᑦ ᑮᓇᐅᔭᖅᑖᖅᑎᑦᓯᓂᕐᒥᒃ ᐃᓕᓐᓂᐊᖅᑎᓂᑦ.
ᑕᓖ ᓵᒻᐳ ᑑᕈ (ᐃᓄᐃᑦ-ᐊᓛᔅᑲ), ᐳᖅᑐᓂᖅᐹᖓᓐᓂ ᐃᓕᓐᓂᐊᕇᕈᑎᑖᖅᓯᒪᔪᖅ ᒪᓕᒐᓕᕆᓂᕐᒧᑦ , ᐃᓄᐃᑦ ᓄᓈᓐᓂ ᑮᓇᐅᔭᖅᑑᑎᑦᓴᓄᑦ ᐅᖃᐅᔾᔨᒋᐊᖅᑎᐅᔪᖅ ᖃᐅᔨᒪᓂᖃᑦᓯᐊᖅᑐᓂ ᓄᓇᕐᔪᐊᕐᒥ ᓄᓇᖃᖅᑳᖅᓯᒪᔪᐃᑦ ᐱᔪᓐᓇᐅᑎᖏᓐᓂᒃ, ᐋᖅᑭᑦᑕᐅᓯᒪᔪᓂᑦ ᐃᖅᑲᓇᐃᔭᕐᓂᒃᑯᑦ ᓄᓇᕐᔪᐊᕐᒥ ᑲᑐᔾᔨᖃᑎᒌᓄᑦ ᐊᓯᖏᓐᓄᓪᓗ ᓄᓇᕐᔪᐊᕐᒥ ᑎᒥᐅᔪᓄᑦ, ᓯᓚᑦᑐᓴᕐᕕᕐᔪᐊᕐᓄᑦ, ᐊᒻᒪᓗ ᓯᕗᓕᖅᑎᐅᓂᕐᒧᑦ ᐊᓛᔅᑲᒥ ᓄᓇᖃᖅᑳᖅᓯᒪᔪᑦ ᒐᕙᒪᖏᓐᓄᑦ.
ᑯᓄᒃ (ᓵᓐᑐᓚ) ᐃᓅᑎᖅ ᓇᒻᒥᓂᕐᒥᓄᑦ−ᐃᖅᑲᓇᐃᔭᖅᑐᖅ ᐊᒻᒪᓗ ᐃᖅᑲᓇᐃᔭᑲᐃᓐᓇᖃᑦᑕᖅᑐᖅ ᐱᕈᕐᕕᒃᑯᓐᓂ. ᓯᕗᓪᓕᖅᐹᖑᓪᓗᓂ ᐃᓄᓐᓂ ᐊᕐᓇᐅᓪᓗᓂ ᓄᓇᕗᒻᒥ ᒪᓕᒐᓕᕆᒍᓐᓇᐅᑎᑖᕐᓂᕐᒧᑦ ᐱᔭᕇᖅᓯᓚᐅᖅᓯᒪᔪᖅ. ᐃᖅᑲᓇᐃᔮᖃᖃᑦᑕᖅᓯᒪᔪᖅ ᓄᓇᕗᑦ ᑐᙵᕕᒃᑯᖏᓐᓂ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂ, ᐊᒻᒪᓗ MakeWay-ᑯᓐᓂ, ᓵᙵᒋᔭᖃᕙᓪᓗᓂᖅᓴᐅᓪᓗᓂ ᐃᓄᐃᑦ ᓇᒻᒥᓂᖅ− ᒐᕙᒪᖃᕐᓂᕐᒥ, ᒪᓕᒐᕐᓂᑦ ᐋᔩᕋᕈᑎᖃᕐᓂᕐᒥ ᐊᒻᒪᓗ ᐊᑐᐊᒐᕐᓂ ᐊᔭᐅᖅᑐᒍᑎᖃᕐᓂᕐᒥᒃ.
ᒥᐊᕋᒃ, ᒍᐃᑦᓯᓐ, ᔫᐱᒃ, ᐊᒻᒪ ᐃᓄᑉᐱᐊᖅ ᖃᐅᔨᒪᔨᑕᖅ ᐃᓚᖃᖅᑐᓂ ᓂᓇᓇᒥ, ᕼᐅᐳ ᐸᐃᒥ, ᐊᒻᒪ ᓅᒻᒥ, ᐅᖃᐅᔾᔨᒋᐊᖅᑎᒋᔭᖅ ᐃᓄᐃᑦ ᓄᓈᓐᓂ ᑮᓇᐅᔭᖅᑑᑎᑦᓴᓄᑦ ᐊᒻᒪᓗ ᐱᓕᕆᖃᑎᖃᖅᐸᑦᑐᓂ ᐃᓄᐃᑦ ᓯᕗᓕᖅᑎᐅᓂᕐᒧᑦ ᐱᒋᐊᖅᑎᑕᐅᓯᒪᔪᒥᒃ ᓯᕗᒧᐊᑦᑎᑦᓯᓇᓱᐊᖅᓱᑎᒃ ᓄᓇᖃᖅᑳᖅᓯᒪᔪᓄᑦ− ᓯᕗᓕᖅᑕᐅᔪᓂᑦ ᓄᓇᒥᒃ ᐱᓕᕆᐊᕐᓂᕐᒧᑦ ᐸᕐᓇᐃᓂᕐᒥᒃ ᐊᒻᒪᓗ ᐸᖅᑭᑦᓯᓂᕐᒥᒃ.
ᐋᑎ ᐃᓅᓚᐅᖅᓯᒪᔪᖅ ᓅᒻᒥ, ᐊᓛᔅᑲᒥ, ᐃᓚᖃᖅᑐᖅ ᒪᐅᓐᑕᓐ ᕕᓕᔾᒥ, ᐅᐃᐅᓪᔅᒥ, ᐊᒻᒪᓗ ᑕᕆᐅᑉ ᐊᑭᐊᓂ. ᖁᕕᐊᒋᔭᖃᓪᓚᕆᑦᑐᖅ ᐃᕐᓂᓱᑦᓰᓂᕐᒥᒃ, ᐋᖅᑭᒍᑎᒋᓯᒪᓪᓗᒍ ᐃᓅᓯᕐᒥᓂᒃ ᐊᑐᖅᓯᒪᔭᓂ, ᐃᓄᑉᐱᐊᖅᑎᑐᑦ ᐃᓕᓯᒪᔪᖅ ᐊᑖᑕᑦᓯᐊᕐᒥᓂᒃ, ᐊᒻᒪᓗ ᑐᙵᕕᖃᓪᓚᕆᑦᑐᖅ ᓱᓕᔪᖅᓯᐅᕐᓂᕐᒥᒃ, ᓴᐃᓕᖃᑎᒌᓐᓂᕐᒥ, ᐊᒻᒪᓗ ᓄᓇᓕᓐᓄᑦ− ᓯᕗᓕᖅᑕᐅᔪᓂᑦ ᐱᓕᕆᐊᖃᕐᓂᕐᒥᒃ.
ᐊᒫᓴ, ᑲᓛᓪᓖᑦ ᓄᓈᓐᓂᑦ ᐱᓯᒪᔪᖅ, ᐃᓅᓚᐅᖅᓯᒪᔪᖅ ᐱᕈᖅᓴᓪᓗᓂᓗ ᓅᒃᒥ ᒫᓐᓇᓗ ᐃᓕᓐᓂᐊᖅᑐᖅ ᐃᓅᓯᓕᕆᓂᕐᒥᒃ ᐋᒻᔅᑖᒻᒥ. ᐃᓱᓕᑦᓯᓂᐅᓴᓕᖅᑐᖅ ᐃᓕᓐᓂᐊᖅᑕᒥᓂᒃ ᐱᔭᕇᕈᓂᓪᓗ ᐅᑎᕈᒫᖅᑐᖅ ᐊᖏᕐᕋᒥᓄᑦ. ᐱᒋᐊᓚᐅᖅᓯᒪᔪᖅ ᐃᓄᐃᑦ ᓄᓈᓐᓂ ᑮᓇᐅᔭᑦᑑᑎᑦᓴᓄᑦ ᑎᑎᕋᖅᑎᐅᓪᓗᓂ ᐊᒻᒪᓗ ᐱᕚᓪᓕᕈᑎᖃᖅᓯᒪᒻᒪᕆᑦᑐᖅ ᐃᓚᐅᖃᑕᐅᓯᒪᓂᕐᒥᓂ.
ᐊᔅᓚᒃ ᕼᐅᓪᒻᐳᒡ ᐱᓯᒪᔪᖅ ᓂᐅᒡᒐᓐᒥ, ᓯᔾᔭᖓᓂ ᑰᑉ ᑎᐊᑦᓄ, ᐱᕈᖅᓴᕕᒋᓯᒪᓪᓗᒍ ᓵᒪᓂᐊᕐᕕᒋᕙᑦᑐᒍ. ᐱᓕᕆᐊᕆᓯᒪᔭᖏᑦ ᑐᙵᕕᖃᓪᓚᕆᑦᑐᑦ ᓄᓇᖃᖅᑳᖅᓯᒪᔪᐃᑦ ᐱᔪᓐᓇᐅᑎᖏᓐᓂᒃ ᐊᒻᒪᓗ ᖃᐅᔨᒪᔭᑐᖃᖏᓐᓂᒃ. ᓵᒥᓂ ᑐᓴᐅᒪᑎᑦᓯᔨᐅᔪᖅ ᐅᖃᐅᔾᔨᒋᐊᖅᑎᓄᑦ ᑲᑎᒻᒪᔨᓄᑦ.
ᐃᕙᓗ, ᐱᓯᒪᔪᖅ ᖃᖅᑯᕐᒥ ᒫᓐᓇᓗ ᓅᒃᒥᐅᑕᐅᓪᓗᓂ, ᐊᑯᓐᓂᖅᓱᖅᑐᒥ ᐃᓕᓐᓂᐊᕇᕈᑎᑖᖅᓯᒪᔪᖅ ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪᓗ ᐃᓕᓐᓂᐊᖅᑎᑕᐅᓯᒪᓪᓗᓂ ᐃᓅᓯᓕᕆᓂᕐᒧᑦ ᐃᓕᓴᐃᔨᐅᓂᕐᒧᑦ. ᖁᑦᑎᖕᓂᖅᓴᒥᒃ ᐃᓕᓐᓂᐊᖅᑎᓪᓗᒍ. ᐃᓕᓐᓂᐊᖅᑎᓪᓗᒍ ᑲᓛᓪᓖᑦ ᓄᓈᓐᓂ ᖃᐅᔨᒋᐅᓚᐅᖅᑐᓂ ᐃᑉᐱᒍᓱᓕᖅᑐᓂ ᓄᓇᖃᖅᑳᖅᓯᒪᓂᕐᒥᓂᒃ ᐊᒻᒪ ᒫᓐᓇ ᕿᓂᖃᑦᑕᖅᑐᖅ ᓄᓇᖃᖅᑳᖅᓯᒪᔪᐃᑦ ᑎᒍᓯᒃᑲᓐᓂᖁᓪᓗᒋᑦ ᓄᑕᖅᑲᑦ ᐃᓕᓐᓂᐊᖅᑎᑕᐅᒍᓯᖏᓐᓂᑦ.
ᔭᓯ ᓄᓇᖃᖅᑐᖅ ᐃᖃᓗᓐᓂ, ᓄᓇᕗᒻᒥ, ᐃᓚᖃᖅᑐᓂ ᐸᓐᓂᖅᑑᕐᒥ. ᐃᖃᓗᓐᓂ ᓄᓇᖃᖅᑐᖅ (ᓂᐊᖁᖒᑎᒥ) ᐊᐃᑉᐸᖓᓗ ᒪᕐᕉᓪᓗ ᕿᑐᕐᖓᖏᒃ. ᐃᓕᓐᓂᐊᕇᕈᑎᑖᖅᓯᒪᔪᖅ ᑭᒃᑯᑐᐃᓐᓇᕐᓄᑦ ᒐᕙᒪᓕᕆᓂᕐᒧᑦ ᐊᓪᓚᕝᕕᓕᕆᓂᕐᒧᓪᓗ. ᐃᖅᑲᓇᐃᔮᕆᓯᒪᔭᖏᑦ ᑐᙵᕕᖃᖅᑐᑦ ᐊᔭᐅᖅᑐᐃᒍᑎᖃᕐᓂᕐᒥᒃ ᐃᓄᐃᑦ ᖃᓄᐃᙱᑦᓯᐊᖁᓪᓗᒋᑦ ᐊᖅᑯᑕᐅᓗᑎᑦ ᐊᑐᐊᒐᐃᑦ.
ᐋᓐ, ᐃᓕᖅᑯᓯᑐᖃᓕᕆᔨ ᐊᒻᒪᓗ ᐃᓕᓴᐃᔨᒻᒪᕆᐅᓚᐅᖅᓯᒪᓪᓗᓂ ᐳᑐᐃᓐ ᓯᓚᑦᑐᖅᓴᕐᕕᒻᒥ, ᓯᕗᓕᖅᑎᐅᖃᑕᐅᕗᖅ ᐃᓄᐃᑦ ᓄᓈᓐᓂ ᑮᓇᐅᔭᖅᑑᑎᑦᓴᓄᑦ. ᓯᕗᓂᐊᒍᑦ ᐊᐅᓚᑦᓯᓚᐅᖅᓯᒪᔪᖅ ᐅᑭᐅᖅᑕᖅᑐᒥ ᐃᑲᔫᑎᑦᓴᓄᑦ ᐆᒃ ᑐᙵᕕᒃᑯᓐᓂ ᐊᒻᒪᓗ ᐱᓕᕆᐊᖃᖅᓯᒪᔪᖅ ᓄᓇᓕᓐᓂ ᑐᙵᕕᖃᖅᑐᓂ ᖃᐅᔨᓴᕐᓂᕐᒥ ᓄᓇᕗᒻᒥ.
ᐊᐅᓚᑦᓯᓂᕐᒧᑦ ᑐᙵᕕᒋᔭᕗᑦ
ᐊᖏᖃᑎᒌᑦᑐᐃᓐᓇᐅᓂᕐᒥᒃ ᑕᑯᕗᒍᑦ ᑲᑎᓯᒪᓪᓗᑕ ᑐᑭᑖᖃᑎᒌᖃᑦᑕᖅᑐᑕ ᑐᙵᕕᖃᖅᑐᒥ ᑐᓴᐅᒪᖃᑎᒌᑦᓯᐊᕐᓂᕐᒥᒃ, ᓱᓕᑦᓯᐊᕐᓂᕐᒥᒃ, ᐊᒻᒪᓗ ᐅᑉᐱᕆᔭᐅᓂᕐᒥᒃ.
ᐅᑉᐱᕆᔭᖃᖅᑐᒍᑦ ᐊᖏᖃᑎᒌᑦᑐᐃᓐᓇᐅᓂᖅ ᑲᑎᓯᒪᓗᑎ ᑐᑭᑖᕈᑕᐅᖃᑦᑕᕆᐊᖃᕐᓂᖏᓐᓂᑦ. ᑐᙵᕕᖃᕐᓗᑕ ᑐᓴᐅᒪᖃᑎᒌᑦᓯᐊᕐᓂᕐᒥᒃ, ᓱᓕᑦᓯᐊᕐᓂᕐᒥᒃ, ᐅᑉᐱᕆᔭᐅᑦᓯᐊᕐᓗᑕᓗ. ᓇᐅᑐᐃᓐᓇᖅ ᐃᓱᒫᓗᒋᔭᖃᖅᑐᑦᓴᐅᙱᓚᖅ ᐃᓱᒪᒋᔭᒥᓂᒃ ᓇᓗᓇᐃᖅᓯᒍᓐᓇᕐᓗᑎᒃ ᐊᒻᒪᓗ ᐱᕕᖃᖅᑎᑕᐅᓗᑎᑦ ᐃᓱᒪᖅᓴᖅᓯᐅᕈᓐᓇᕐᓗᑎᑦ ᐱᐅᓂᖏᓐᓂᒃ ᐱᐅᙱᓐᓂᖏᓐᓂᓪᓗ ᐅᖃᐅᓯᐅᕙᓪᓕᐊᔪᑦ. ᐊᖏᖃᑎᒌᑦᑐᐃᓐᓇᐅᙱᒐᐃᒐᑦᑕ, ᐃᒻᒥᓅᖓᒍᓐᓃᖅᑎᕙᑦᑕᕗᑦ ᐅᖃᖃᑎᒌᓐᓂᐅᔪᑦ ᐅᑎᕐᕕᖃᓕᖅᑐᑕ ᐱᒻᒪᕆᐅᒋᔭᑦᑎᓐᓄᑦ—ᐃᓛᓐᓂᒃᑯᑦ ᐃᙱᕐᓂᒃᑯᑦ, ᕿᓚᐅᔾᔭᕐᓂᒃᑯᑦ, ᐅᕝᕙᓘᓐᓃᑦ ᓄᓇᒦᓐᓂᒃᑯᑦ. ᓂᕈᐊᕐᓂᖅ ᑭᖑᓪᓕᖅᐹᑦᓯᐊᕆᓪᓗᒍ ᐊᑐᖅᑕᐅᓯᕙᑦᑐᖅ ᐊᖏᖃᑎᒌᑦᑐᖃᙱᒐᐃᒻᒪᑦ. ᑎᒃᑯᐊᖅᑕᐅᓯᒪᔪᖅ ᐃᓐᓇᑐᖃᖅ ᐃᓂᖃᖅᑎᑕᐅᓪᓗᓂ ᑲᐃᓪᓗᖅᑐᐃᕙᑦᑐᖅ, ᐊᒻᒪᓗ ᐃᓱᒪᒋᒋᐊᖏᓐᓇᐸᑦᑕᕗᑦ ᐅᖃᐅᓰᑦ ᐊᔾᔨᒌᙱᓐᓂᖃᓪᓛᓲᖑᒋᐊᖏᑦ.
ᐅᑉᐱᕆᔭᖃᖅᑐᒍᑦ ᐱᒻᒪᕆᐅᓂᖓᓂᒃ ᐱᓕᕆᖃᑎᒌᓐᓂᖅ ᑲᑐᔾᔨᖃᑎᒌᖑᓪᓗᑕ, ᐊᒻᒪᓗ ᑐᑭᓯᐅᒪᓪᓗᑕ ᐊᔾᔨᒌᙱᑦᑑᑕᐅᓂᖏᓐᓂᑦ ᐱᓕᕆᖃᑎᒌᓐᓂᐅᔪᑦ.
ᐅᖃᐅᔾᔨᒋᐊᖅᑎᐅᓂᕐᒧᑦ ᑲᑎᒻᒪᔨᖏᑦ ᐅᑉᐱᕆᔭᖃᖅᑐᑦ ᐱᓕᕆᖃᑎᒌᓐᓂᕐᒥᒃ ᑲᑐᔾᔨᖃᑎᒌᓐᓂᒃᑯᑦ ᐊᒻᒪᓗ ᑐᑭᓯᐅᒪᓪᓗᑎᒃ ᐊᔾᔨᒌᙱᑦᑑᑕᐅᓂᖏᓐᓂᒃ ᐱᓕᕆᖃᑎᒌᓐᓂᐅᔪᑦ: ᐃᓚᓕᐅᕈᓐᓇᓂᒃᑯᑦ, ᐃᒻᒥᓂᒃ ᕿᒥᕐᕈᓂᒃᑯᑦ, ᐊᒻᒪᓗ ᐅᖃᐅᓯᖃᕈᓐᓇᓂᒃᑯᑦ. ᐱᓕᕆᖃᑎᒌᓐᓂᖅ ᐱᒋᐊᕐᕕᖃᖅᑳᓲᖑᒻᒪᑦ ᐃᓚᓕᐅᕈᓐᓇᓂᕐᒥ ᐊᑦᑐᐊᓂᖃᕐᓂᒃᑯᑦ, ᐃᓛᓐᓂᒃᑯᑦ ᐃᓄᐃᓴᓐᓂᖅᓴᐅᓪᓗᑎᑦ ᑲᑎᓯᒪᓪᓗᑎᑦ. ᐃᒻᒥᓂᒃ ᕿᒥᕐᕈᒋᐊᖅᑳᓲᑦ ᐱᕕᖃᖅᑎᑕᐅᑦᓯᐊᕆᐊᓖᑦ ᐅᓚᕕᑕᐅᓯᒪᙱᓪᓗᑎᑦ ᐅᖃᐅᓯᑦᓴᖃᙱᓂᕐᒥᓂ. ᐅᖃᐅᓯᖃᕈᓐᓇᖅᑐᑦ ᐱᓕᕆᖃᑕᐅᔪᓂ ᑲᔪᓯᓂᖃᑦᓯᐊᓲᑦ ᑕᑯᓐᓇᕐᓂᒃᑯᑦ ᐃᓚᐅᓗᑎᑦ ᐊᒻᒪᓗ ᐃᓱᒪᑦᓴᖅᓯᐅᕈᑎᖃᕐᓂᒃᑯᑦ. ᑕᒪᕐᒥᒃ ᐋᖅᑭᑦᓯᒪᓂᖏᑦ ᐅᑉᐱᕆᔭᐅᑦᓯᐊᕆᐊᖃᕐᓇᖅᑐᖅ ᑕᒪᕐᒥᓗ ᐊᐅᓚᓂᖃᑦᓯᐊᕈᑎᒋᓪᓗᒋᑦ ᑲᑎᒪᓂᐅᔪᓂᒃ.
ᐱᒻᒪᕆᐅᑎᑕᕗᑦ ᓇᐅᓕᒫᕐᓂᑦ ᐃᓚᐅᑎᑦᓯᓂᖅ, ᑭᒃᑯᓕᒫᑦ ᐃᑲᔪᕐᓂᖃᖅᐸᑦᑐᑎᑦ ᑐᑭᑖᕈᑕᐅᔪᓄᑦ ᐊᒻᒪᓗ ᓂᐱᒋᔭᐅᔪᓕᒫᑦ ᐃᓱᒪᒋᔭᐅᑦᓯᐊᐸᑦᑐᑎᑦ.
ᐱᒻᒪᕆᐅᒋᕙᕗᑦ ᓇᐅᓕᒫᕐᓂᑦ ᐃᓚᐅᑎᑦᓯᓂᕐᒥᒃ ᐊᕙᑎᖃᕐᓂᕐᒥ ᓇᐅᓕᒫᑦ ᐃᑉᐱᒍᓱᖁᓪᓗᒋᑦ ᐃᓚᒋᔭᐅᓂᖏᓐᓂᒃ ᑐᑭᑖᕈᑎᖃᕐᓂᕐᒧᑦ ᐊᒻᒪᓗ ᐱᕕᑦᓴᖃᖅᑎᑕᐅᓗᑎᒃ ᐃᓱᒪᒋᔭᒥᓂᒃ ᐅᖃᐅᓯᖃᕈᓐᓇᕐᓗᑎᒃ. ᐅᑉᐱᕆᔭᖃᕋᑦᑕ ᐱᒻᒪᕆᐅᓂᖓᓂᒃ ᓄᑖᙳᕆᐊᖃᑦᑕᕐᓗᑎᑦ ᐅᖃᐅᔾᔨᒋᐊᖅᑏᑦ ᓄᑖᓂᒃ ᓄᓇᓕᓐᓂ ᐃᓱᒪᒋᔭᐅᔪᓂᒃ ᓴᖅᑭᑦᓯᖃᑦᑕᖁᓪᓗᒋᑦ—ᐱᓗᐊᖅᑐᒥᒃ ᖁᕝᕙᖅᑎᕆᓂᕐᒥ ᐃᓄᓐᓂᒃ ᑭᒡᒐᑐᖅᑕᐅᙱᑐᐃᓐᓇᕆᐊᖃᖅᑐᓂᑦ. ᐃᓚᐅᑎᑦᓯᓂᖅ ᑐᑭᖃᖅᑐᖅ ᓴᖅᑭᑎᑦᓯᖏᓐᓇᕋᓱᐊᕐᓗᑎᑦ ᐃᓂᑦᓴᒥᒃ ᓂᐱᖃᖅᑐᓄᑦ ᐃᓚᐅᑎᑕᐅᓯᒪᙱᑦᑐᓄᑦ ᐅᕝᕙᓘᓐᓃᑦ ᑭᒡᒐᑐᖅᑕᐅᓯᒪᙱᓗᐊᖅᑐᓄᑦ ᑭᖑᓂᑦᑎᓐᓂ.
ᓇᓗᓇᐃᒃᑯᑕᕗᑦ
ᓇᓗᓇᐃᒃᑯᑕᕗᑦ ᓴᖅᑭᓚᕿᓯᒪᔪᖅ ᐱᓕᕆᖃᑎᒌᓚᐅᖅᑐᓂ ᓴᓇᙳᐊᖅᑎᓂ ᐃᓄᐃᑦ ᓄᓇᖓᓐᓂ: ᑮᓇᓐ ‘ᓄᒃᔅ’ ᓕᓐᑎᐅᓪ - ᓄᓇᕗᑦ, ᔭᓯᑲ ᐅᐃᓐᑐᔅ – ᓄᓇᑦᓯᐊᕗᑦ, ᕼᐋᓕ ᒥᑎᑦᑐᖅ ᓄᐊᑦᓚᒻ - ᐃᓄᑉᐱᐊᖅ, ᓯᕿᓂᙳᐊᖅ ᕿᑐᕋ ᓕᖕ ᐴᓪᓴᓐ – ᑲᓛᓪᓖᑦ ᓄᓈᑦ.
ᖁᓪᓕᖅ
ᑐᙵᕕᒋᓪᓗᒍ ᓴᓇᒪᓂᖓ ᖁᓪᓕᖅ, ᓇᓗᓇᐃᒃᑯᑕᐅᓪᓗᓂ ᖃᐅᒪᓂᕐᒧᑦ, ᐅᖅᑰᓂᕐᒧᑦ, ᐊᒻᒪᓗ ᑲᑎᙵᓂᕐᒧᑦ. ᐊᔾᔨᒌᙱᑦᑑᑎᐅᒐᓗᐊᖅᑎᓪᓗᑕ ᐃᓅᓪᓗᑕ, ᖁᓪᓕᖅ ᓴᙱᓂᖃᐃᓐᓇᓕᒫᖅᑐᖅ, ᑲᑎᑎᑦᓯᓪᓗᓂ ᓇᓗᓇᐃᒃᑯᑕᕆᕙᒃᑲᑦᑎᒍ ᓄᓇᓕᓕᒫᑦᑎᓐᓂ. ᖁᓪᓕᐅᑉ ᐃᑯᒪᖏᑦ ᑭᒡᒐᖅᑐᐃᔪᑦ ᓴᐃᓕᓂᕐᒥᒃ, ᕿᓄᐃᓵᕈᓐᓇᕐᓂᕐᒥᒃ, ᐊᒻᒪᓗ ᖃᓄᖅᑑᕈᓐᓇᕐᓂᕐᒥᒃ, ᓴᖅᑭᔮᖅᑎᑦᓯᓪᓗᓂ ᒪᑭᒋᐊᖃᑦᑕᕐᓂᖅ ᐱᒻᒪᕆᐅᓂᖓᓂᑦ ᐃᓅᓯᑦᑎᓐᓄᑦ.
The Three Natchiit
Above the Qulliq are three Natchiit: the Western Natchiq, Central Natchiq, and Eastern Natchiq—each representing an artist involved in this collaborative work. These figures celebrate the unique design elements from our respective regions.
ᑲᓇᓐᓇᕐᒥᐅᑦ ᓇᑦᓯᖓ
ᓴᓇᓯᒪᔪᖅ ᓯᓚᕐᔪᐊᙳᐊᖃᖅᑐᓂ, ᓴᓇᐅᒐᖅ ᐊᑯᓂ ᐊᑦᑐᐊᓂᖃᖅᑐᖅ ᐊᓛᔅᑲᒥᐅᑦ ᐃᓄᖏᑕ ᓴᓇᐅᒐᖏᓐᓄᑦ.
ᐱᖓᓐᓇᕐᒥᐅᑦ ᓇᑦᓯᖓ
ᓴᓇᓯᒪᔪᖅ ᐊᒻᒪᓗᖅᑐᖃᖅᑐᓂ, ᐃᔾᔪᐊᖅᓯᓪᓗᓂ ᓯᓚ ᑲᑭᓂᓕᐅᕈᑕᐅᕙᑦᑐᓂᑦ ᑲᓛᓪᓖᑦ ᓄᓈᓐᓂᒥᐅᓄᑦ. ᑖᓐᓇ ᓴᓇᒪᓂᖓ ᐃᓕᑕᖅᓯᓯᒪᒻᒥᔪᖅ ᓇᑦᓯᐅᑉ ᕿᓯᖓᑕ ᖃᓄᐃᑦᑑᓂᖓᓂᒃ.
ᕿᑎᕐᒥᐅᑦ ᓇᑦᓯᖓ
ᓴᓇᓯᒪᔪᖅ ᐳᑭᖃᖅᑐᓂ ᐊᑯᖃᖅᑐᓂᓗ ᐊᒪᐅᑎᖓ, ᑖᒃᑯᐊ ᑭᒡᒐᑐᖅᑐᑦ ᕿᑎᕐᒥᐅᑦ ᐊᓐᓄᕌᖏᑕ ᓴᓇᓯᒪᓂᖏᓐᓂᒃ.
ᑲᑎᒃᑲᒥᑦ
ᐱᙳᐊᕈᓘᔭᖅᑐᑦ, ᐳᐃᔾᔪᖅᑐᑦ ᓇᑦᓰᑦ ᓴᖅᑭᔮᖅᑎᑦᓯᕗᑦ ᐅᖅᑰᓂᖓᓂᒃ ᐊᒻᒪᓗ ᐊᐅᓚᓂᖓᓂᒃ ᐃᑯᐊᓚᖓᑕ ᖁᒻᒧᐊᑉᐸᓪᓕᐊᓂᖓᓂᑦ ᖁᓪᓕᐅᑉ. ᓇᓗᓇᐃᒃᑯᑕᐅᕗᑦ ᖁᕕᐊᓱᓐᓂᕐᒥᒃ ᓴᐱᓕᑦᑕᐃᓕᓂᕐᒥᓪᓗ ᓇᓗᓇᐃᖅᓯᔾᔪᑕᐅᓪᓗᑎᒃ ᐃᓄᐃᑦ ᐃᓅᓯᖏᓐᓂᒃ. ᑖᒃᑯᑎᒎᓇ ᑎᑎᕋᐅᔭᖅᓯᒪᔪᑎᒍᑦ, ᓇᓗᓇᐃᖅᓯᕗᒍᑦ ᐅᐱᒍᓱᓐᓂᑦᑎᓐᓂᒃ ᓄᓇᓖᑦ ᑲᑎᒍᓐᓇᕐᓂᖏᓐᓂᒃ, ᐃᑲᔪᖅᑎᒌᑦᑐᑎᒃ ᑐᙵᓇᕐᓂᒃᑯᑦ ᐊᒻᒪᓗ ᑐᓂᓯᖃᑦᑕᐅᑎᓂᒃᑯᑦ.
ᖁᔭᓕᓪᓚᕆᑦᑐᒍᑦ ᑮᓇᐅᔭᑎᒍᑦ ᐃᑲᔪᖅᑐᐃᔨᖁᑎᑦᑎᓐᓄᑦ. ᐃᓚᒋᔭᐅᔪᒪᓐᓂᕈᕕᑦ ᐱᕈᖅᐸᓪᓕᐊᔪᓄᑦ ᑎᑎᕋᖅᓯᒪᔪᖁᑎᑦᑎᓐᓄᑦ ᑐᓂᕐᕈᑎᖃᖅᐸᑦᑐᓄᑦ, ᖃᐅᔨᒋᐊᕐᕕᒋᐅᒍᓐᓇᖅᑐᒍᑦ ᑐᕋᐃᓐᓇᕐᕕᐅᓗᑕ ᐅᕗᖓ info@inuitnunaatfund.org
ᓯᕗᒧᐊᑦᑎᑦᓯᓂᖅ ᓄᓇᓕᓐᓄᑦ ᓯᕗᓪᓕᐅᑎᑕᐅᒍᒪᔪᓂᑦ
ᕿᒥᕐᕈᒃᑭᑦ ᖃᓄᖅ ᐃᓄᓐᓄᑦ−ᓯᕗᓕᖅᑕᐅᔪᑦ ᐱᓕᕆᐊᑦᓴᐃᑦ ᐆᒻᒪᖅᑎᑦᓯᕙᓪᓕᐊᒻᒪᖔᑕ ᐅᖃᐅᓯᕐᒥᒃ, ᓄᓇᒥᒃ ᐸᖅᑭᑦᓯᓂᕐᒥᒃ, ᐊᒻᒪᓗ ᓴᙱᓕᕆᐊᖅᑎᑦᓯᒪᖔᑕ ᐃᓚᒌᑦᑐᓂᑦ ᓄᓇᑦᑎᓐᓂ.
ᐃᑲᔪᒃᑭᑦ ᓄᓇᐃᑦ ᐊᖏᕐᕋᖃᕐᕕᕗᑦ
ᐃᑲᔪᖅᓯᒋᑦ ᓯᕗᓂᑦᓴᑎᓐᓂ ᐃᓄᐃᑦ ᓂᐱᖏᑦ ᓯᕗᓕᕈᑕᐅᓕᕐᓗᑎᑦ. ᑐᓂᕐᕈᑎᓕᒫᖑᔪᑦ ᐃᑲᔪᖅᓯᕙᑦᑐᑦ ᓇᒻᒥᓂᖅᓱᕈᒪᓂᑦᑎᓐᓄᑦ ᓄᓇᓖᑦ ᓯᕗᓪᓕᐅᑎᒍᒪᔭᖏᓐᓂᑦ.
