ᐊᐅᓚᑕᖅ ᐃᓄᓐᓄᑦ,
ᐃᓄᓐᓅᖓᔪᖅ
ᐃᓄᐃᑦ ᓄᓈᓐᓂ ᑮᓇᐅᔭᖅᑑᑎᑦᓴᑦ ᐃᑲᔪᖅᓯᕙᑦᑐᖅ ᑕᐅᑐᒐᖃᕆᐊᖅᑎᑦᓯᓂᕐᒥ, ᓄᓇᓕᓐᓄᑦ−ᓯᕗᓕᖅᑕᐅᔪᓂ ᐋᖅᑭᒋᐊᕈᑎᑦᓴᓂᑦ, ᐊᒻᒪᓗ ᒪᑭᒋᐊᖅᑎᑦᓯᓪᓗᓂ ᓯᕗᓂᑦᓴᑎᓐᓄᑦ ᓄᓇᓕᒫᑦᑎᓐᓂ.
ᐅᑉᐱᕆᔭᖃᖅᑐᒍᑦ ᓴᙱᓂᖃᕆᐊᖏᑦ ᓄᓇᖃᖅᑳᖅᓯᒪᔪᐃᑦ ᓄᓇᓕᖏᑦ ᑕᐅᑐᙳᐊᕈᓐᓇᕐᓂᖏᓐᓂᑦ ᓴᖅᑭᑎᑦᓯᒍᓐᓇᕐᓂᖏᓐᓂᓪᓗ ᒪᑭᑕᑦᓯᐊᕐᕕᒋᒍᓐᓇᖅᑕᑦᑎᓐᓂᑦ.
ᒫᓐᓇᐅᓕᖅᑐᖅ ᓯᓚᐅᑉ ᐊᓯᔾᔨᖅᐸᓪᓕᐊᓕᖅᑎᓪᓗᒍ, ᐃᓕᖅᑯᓯᐅᔪᑦ ᒪᑭᒋᐊᒃᑲᓐᓕᖅᑎᓪᓗᒋᑦ, ᐊᒻᒪᓗ ᐱᕈᖅᐸᓪᓕᐊᔪᒻᒪᕆᐅᑎᓪᓗᒋᑦ ᐊᔾᔨᒌᑦᑎᑦᓯᓂᕐᒧᑦ ᐊᑐᖅᑕᐅᖁᔭᐅᔪᑦ, ᐃᓄᐃᑦ ᐋᖅᑭᑦᓯᒋᐊᕈᑎᑦᓴᖏᑦ ᐱᑕᖃᕆᐊᖃᕐᓂᖅᓴᐅᓕᖅᑐᑦ ᐱᓗᐊᖅᑐᒥ ᒫᓐᓇᓕᖅᑐᖅ. ᓴᙱᓂᖃᕐᓂᒃᑯᑦ, ᑭᖑᓂᑦᑎᓐᓂ ᐊᑐᖅᑕᐅᖃᑦᑕᖅᓯᒪᔪᓂ ᑐᑭᓯᒪᓂᒃᑯᑦ ᑮᓇᐅᔭᖃᖅᑎᑦᓯᓂᑎᒍᑦ, ᐱᑕᖃᖅᑎᑦᓯᕙᑦᑐᒍᑦ ᐃᑲᔫᑎᑦᓴᓂᒃ ᑐᕌᖓᔪᓂᑦ ᐃᓄᓐᓄᑦ, ᓄᓇᓕᓐᓄᑦ, ᑎᒥᐅᔪᓄᓪᓗ — ᖁᕝᕙᕆᐊᖅᑎᑦᓯᔪᓂᒃ ᐱᓕᕆᐊᖑᕙᒌᖅᑐᓂᑦ ᓴᙱᓕᕆᐊᖅᑎᑦᓯᓂᕐᒧᑦ ᐅᖃᐅᓯᕐᒥᒃ, ᐊᕙᑎᒥᒃ ᐸᖅᑭᑦᓯᐊᕐᓂᕐᒥᒃ, ᐃᓕᖅᑯᓯᕐᒥᒃ, ᐊᒻᒪᓗ ᓄᓇᓖᑦ ᖃᓄᐃᙱᑦᓯᕈᑎᑦᓴᖏᓐᓂᑦ.
ᑭᒃᑰᕙᑦ ᐃᓄᐃᑦ?
ᐃᓄᐃᑦ ᑕᒫᓃᑦᓯᒪᔪᑦ ᐊᕐᕌᒍᕋᓴᒻᒪᕆᓐᓂᑦ ᐅᑭᐅᖅᑕᖅᑐᓕᒫᒥ ᐊᒻᒪᓗ ᐅᐊᖕᓇᖅᐸᓯᖏᓐᓂ-ᐊᕕᑦᑐᖅᓯᒪᓂᐅᔪᓂ ᓄᓇᕐᔪᐊᒥ. ᐃᓄᐃᑦ ᓄᓇᖓᑦ – ᓄᓇᒋᔭᕗᑦ – ᐱᑐᖃᐅᓂᖅᓴᐅᕗᖅ ᓄᓇᓕᕐᔪᐊᙳᖅᑎᑕᐅᓯᒪᔪᓂ ᑲᓇᑕ, ᑲᓛᓪᓖᑦ ᓄᓈᑦ, ᐊᓛᓴ, ᐊᒻᒪᓗ ᒥᐊᓕᒐᕐᓂ.
ᑕᐃᒎᓯᖅ "ᐃᓄᐃᑦ" ᑐᑭᖃᖅᑐᖅ "ᐃᓄᐃᑦ" ᐃᓄᒃᑐᑦ ᐅᖃᓪᓚᐅᓯᖏᑎᒍᑦ ᑖᓐᓇᓴᐃᓐᓇᐅᓪᓗᓂ ᐅᖃᐅᓯᖏᑎᒍᑦ ᐃᓄᑉᐱᐊᑦ, ᔫᐱᒃ, ᑲᓛᓪᓖᑦ, ᐊᓯᖏᑕᓗ.
ᑕᐃᑦᓱᒪᓂᑐᖃᖅ, ᓄᑦᑕᖃᑦᑕᓚᐅᖅᑐᒍᑦ ᐊᖑᓇᓱᑦᑎᐅᓪᓗᑕ-ᓄᐊᑦᓯᔨᐅᓪᓗᑕ, ᑕᑎᖃᖅᑐᑕ ᓯᔾᔭᒥ ᑕᕆᐅᕐᓂ ᓄᓇᒥᓗ ᓂᕿᑦᓴᖃᕐᓂᕐᒧᑦ. ᓴᓇᓯᒪᔪᒍᑦ ᐱᔭᕆᐊᓪᓕᑭᓪᓕᑎᖅᓯᒪᔪᓂᑦ ᐊᑐᖅᑕᐅᒍᓐᓇᖅᑐᓂᒃ ᐊᒻᒪᓗ ᓴᓇᕐᕈᑎᓂᒃ, ᓲᕐᓗ ᓇᐅᓚᐃᑦ ᓴᒃᑯᓖᑦ ᐊᒻᒪᓗ ᖃᔭᐃᑦ, ᐊᖑᓇᓱᒍᓐᓇᖁᓪᓗᑕ ᐃᒪᕐᒥᐅᑕᓂᒃ ᐆᒪᔪᕐᓂᑦ ᓲᕐᓗ ᓇᑦᓯᕐᓂᒃ ᕿᓚᓗᒐᕐᓂᓪᓗ, ᐊᒻᒪᓗ ᑐᑦᑐᓂᒃ ᐊᓯᖏᓐᓂᓪᓗ ᐆᒪᔪᕐᓂᑦ ᓄᓇᒥᐅᑕᓂᑦ. ᐃᓪᓗᖃᖅᑐᑕ ᓴᓇᓯᒪᔪᓂᑦ ᐊᐳᒻᒧᑦ ᐊᒻᒪᓗ ᖃᕐᒪᒦᑉᐸᑦᑐᑕ ᐊᐅᔭᒃᑯᑦ, ᑕᑯᑦᓴᐅᑎᑦᓯᔪᑦ ᓴᓇᑦᑐᓕᓂᑦᑎᑐᓐᓂᑦ ᐊᒻᒪᓗ ᐊᔾᔨᐅᖏᑦᑐᒥᒃ ᐊᑐᖃᑦᑕᕐᓂᑦᑎᓐᓂᒃ ᒪᓕᑦᑐᒋᑦ ᐊᑐᐃᓐᓇᐅᔪᑦ ᓴᓇᒃᑯᑖᑦ.
ᐅᖃᐅᓯᒃᑯᑦ ᐱᖅᑯᓯᑐᖃᕗᑦ ᐱᒻᒪᕆᐅᕗᑦ ᓴᐳᔾᔨᓯᒪᓂᕐᒧᑦ ᐱᖅᑯᓯᑐᖃᑦᑎᓐᓂᒃ, ᐅᓂᒃᑳᖅᑐᐊᓂᒃ, ᐊᒻᒪᓗ ᖃᐅᔨᒪᓂᕆᔭᑦᑎᓐᓂᒃ. ᐅᓂᒃᑳᖅᑐᐊᖃᕐᓂᖅ, ᐃᙱᕐᓂᖅ, ᑖᓂᓯᕐᓂᕐᓗ ᐱᒻᒪᕆᐅᔪᑦ ᐃᓕᖅᑯᓯᑦᑎᓐᓂᑦ ᓴᖅᑭᔮᖅᑎᑦᓯᓂᕐᒧᑦ. ᐊᖓᒃᑯᐃᑦ ᐱᒻᒪᕆᐅᓚᐅᖅᓯᒪᔪᑦ, ᐊᖓᒃᑯᐃᑦ ᓯᕗᓕᖅᑎᐅᓪᓗᑎᑦ ᒪᒥᓴᐃᔨᐅᓪᓗᑎᓪᓗ.
ᑕᕆᐅᑉ ᐊᑭᐊᓂᒥᐅᑦ ᑎᑭᓚᐅᖅᑎᓪᓗᒋᑦ ᕿᓂᖅᑎᐅᔪᑦ ᓄᓇᑦᓴᒥᓂ 16-ᓴᓐᑦᓱᕆᒋᔭᖓᓂ ᓄᐃᑎᑦᓯᓚᐅᖅᓯᒪᔪᑦ ᐊᑦᓱᕈᕐᓇᖅᑐᓂᒃ ᐃᓕᖅᑯᓯᖅᑎᒍᑦ ᓱᓕᑦᓯᐊᕐᓂᕐᒥ, ᐱᖃᓯᐅᑎᓪᓗᒋᑦ ᖃᓂᒻᒪᓰᑦ, ᐃᓕᖅᑯᓯᑦᓴᔭᕆᙱᑕᒥᓂᑦ ᐃᓕᖅᑯᓯᖅᑖᖅᑎᑕᐅᓪᓗᑎᑦ ᐊᒻᒪᓗ ᐊᖅᓵᖅᑕᐅᒍᑎᒋᓪᓗᒋᑦ ᓄᓇᐃᑦ ᓄᓇᒦᖔᖅᑐᓪᓗ.
ᑕᐃᒪᐃᒐᓗᐊᖅᑎᓪᓗᒍ ᓯᓚᑎᑦᑎᓐᓃᖔᖅᑐᓄᑦ ᐊᐅᓚᑕᐅᓯᒪᓂᕗᑦ, ᐃᓕᖅᑯᓯᕗᑦ ᓴᐳᑎᓯᒪᔭᕗᑦ ᒫᓐᓇᓗ ᐱᕙᓪᓕᐊᓂᖃᑦᓯᐊᓕᖅᑐᒍᑦ ᐅᑎᖅᑎᑦᓯᓇᓱᐊᖅᑐᑕ ᐅᐱᒋᔭᑦᑎᓐᓂᒃ ᐊᒻᒪᓗ ᓇᒻᒥᓂᖅᓱᕈᓐᓇᕐᓂᑦᑎᓐᓂᒃ, ᐊᑐᖅᑐᑕ ᐱᔪᓐᓇᐅᑎᑦᑎᓐᓂᒃ ᓇᒻᒥᓂᖅ ᐊᐅᓚᑦᓯᒍᓐᓇᕐᓗᑕ ᓄᓇᑐᖃᑦᑎᓐᓂ.
ᑕᐃᒫᑦᑕᐅᖅ ᓯᕗᓕᕆᓚᐅᖅᑕᑦᑎᑐᑦ, ᐅᓪᓗᒥ ᑲᔪᓯᔪᒍᑦ ᐋᖅᑭᑦᓱᐃᕙᓪᓕᐊᓪᓗᑕ ᓴᙱᔪᒥᒃ ᐊᑦᑐᐊᓂᖃᖅᑎᓪᓗᑕ ᐃᓕᖅᑯᓯᑐᑲᑦᑎᓐᓄᑦ, ᐱᓕᕆᓇᓱᐊᖏᓐᓇᖅᑐᑕ ᓴᐳᔾᔨᓇᓱᐊᕐᓂᕐᒥᒃ ᐆᒻᒪᖅᑎᑦᓯᒃᑲᓐᓂᕋᓱᐊᖅᑐᑕᓗ ᐃᓕᖅᑯᓯᑦᑎᓐᓂᒃ, ᐅᖃᐅᓯᑦᑎᓐᓂᒃ, ᐱᖅᑯᓯᑦᑎᓐᓂᒃ, ᐱᔪᓐᓇᐅᑎᑎᓐᓂᓪᓗ. ᑕᒪᑐᒪ ᐃᓗᐊᓃᓪᓗᓂ ᐃᓄᐃᑦ ᓄᓈᓐᓂ ᑮᓇᐅᔭᖅᑑᑎᑦᓴᑦ ᐃᖏᕐᕋᓂᖃᕐᓂᐊᖅᑐᖅ, ᐊᐅᓚᓂᖃᕐᓗᓂ, ᐊᒻᒪᓗ ᐃᑲᔪᑐᐃᒍᑕᐅᓗᑎᑦ ᓴᙱᓕᖅᐹᓪᓕᕈᑕᐅᓗᑎᑦ ᓄᓇᑦᑎᓐᓂ
ᓯᕗᓂᑦᓴᓕᐅᕐᓂᖅ ᑐᙵᕕᖃᖅᑐᓂᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᑦ.
ᐃᓄᐃᑦ ᓄᓈᓐᓂ ᑮᓇᐅᔭᖅᑑᑎᑦᓴᑦ ᐱᓕᕆᐊᖃᖅᑐᑦ ᓯᕗᓂᑦᑎᓐᓂ ᓄᓇᓖᑦ ᓯᕗᓕᕐᓂᐊᖅᑎᓪᓗᒋᑦ — ᐅᖃᐅᓯᕗᑦ ᒪᑭᑕᑦᓯᐊᕐᓗᑎᒃ, ᑮᓇᐅᔭᓕᐅᕈᑎᕗᑦ ᓴᖅᑭᔮᖅᑎᑦᓯᓗᑎᒃ ᑐᓂᓯᖃᑦᑕᐅᑎᓂᕐᒥᒃ, ᐊᒻᒪᓗ ᑮᓇᐅᔭᖃᖅᑎᑦᓯᓂᕐᒧᑦ ᑐᑭᑖᕈᑕᐅᕙᓪᓗᑎᑦ ᐃᓄᓐᓄᑦ ᐃᓄᓐᓅᖓᓗᑎᓪᓗ.
Our approach
The Inuit Nunaat Fund supports Inuit self-determination by resourcing the solutions already alive in our communities. We create impact by reducing barriers, trusting local leadership, and investing directly in community-led priorities such as language, land, and well-being. Our approach reflects the same values we fund: trust, reciprocity, and respect.
ᐃᓄᓐᓄᑦ ᓯᕗᓕᖅᑕᐅᔪᑦ:
ᐃᓄᓐᓄᑦ ᓯᕗᓕᖅᑕᐅᔪᒍᑦ ᐊᒻᒪᓗ ᑐᑭᒧᐊᑦᑎᑕᐅᓪᓗᑕ ᑕᐅᑐᙳᐊᕈᑎᖏᓐᓄᑦ ᓄᓇᓕᑦᑕ, ᓯᕗᒻᒧᐊᑦᑎᑕᐅᓪᓗᑎᑦ ᓇᒻᒥᓂᖅᓱᕈᓐᓇᕐᓂᕗᑦ ᐊᑭᓕᕆᐊᑐᙱᑦᑐᓂᑦ ᑐᓂᕐᕈᓯᐊᖅᑎᒍᑦ ᐊᒻᒪᓗ ᐱᕕᑦᓴᖃᖅᑎᑦᓯᓂᒃᑯᑦ ᐱᓕᒻᒪᓴᖅᑕᐅᓯᒪᔪᓂᑦ ᐅᐱᒋᔭᖃᖅᑐᓂᒃ ᖃᐅᔨᒪᓂᑦᑎᓐᓂᑦ, ᓴᖅᑭᔮᖅᑎᑦᓯᔪᓂᒃ ᓯᕗᓪᓕᐅᔾᔭᐅᖁᔭᑦᑎᓐᓂᒃ, ᐊᒻᒪᓗ ᓴᙱᓕᖅᐹᓪᓕᕈᑕᐅᔪᓂᒃ ᑲᑐᔾᔨᓪᓗᑕ ᒪᑭᒪᒍᓐᓇᕐᓂᑦᑎᓐᓄᑦ.
ᐃᓅᓱᑦᑐᐃᑦ ᐃᓚᐅᑎᑕᐅᓂᖏᑦ:
ᐃᓅᓱᑦᑐᓂᑦ ᐃᓚᐅᑎᑦᓯᕙᑦᑐᒍᑦ, ᐃᓅᓱᑦᑐᖁᑎᑦᑕ ᓯᕗᓕᖅᑎᐅᒍᓐᓇᕐᓂᖏᓐᓂᒃ ᐊᒻᒪᓗ ᐱᔪᓐᓇᕐᓂᖏᓐᓂᒃ ᐱᕈᖅᓴᐃᓪᓗᑕ, ᐱᕕᑦᓴᖃᖅᑎᑦᓯᓪᓗᑕ ᐅᐱᒍᓱᑦᑐᓂᒃ ᐃᓕᖅᑯᓯᑐᖃᑦᑎᓐᓂᒃ ᓴᙱᓕᖅᐹᓪᓕᖅᑎᑦᓯᓪᓗᑕᓪᓗ ᓯᕗᓂᑦᓴᖏᓐᓂᑦ ᓄᓇᓕᑦᑕ.
.avif)
ᓴᙱᓂᖃᖅᑐᓂᑦ ᑐᙵᕕᖃᕐᓂᕗᑦ:
ᓴᙱᓂᖃᖅᑐᓂᑦ ᑐᙵᕕᖃᖅᑐᒍᑦ ᑮᓇᐅᔭᖃᖅᑎᑦᓯᓂᒃᑯᑦ ᐊᒻᒪᓗ ᐅᓂᒃᑳᕈᓐᓇᕐᓂᕐᒥᒃ, ᖁᔭᓕᓪᓗᒋᑦ ᒪᑭᒪᒍᓐᓇᕐᓂᕗᑦ ᐊᒻᒪᓗ ᓯᕗᓕᖅᑎᐅᓂᒃᑯᑦ ᖁᐊᖅᓵᕐᓇᖅᑐᒃᑰᖅᓯᒪᔪᓂᑦ ᑐᑭᓯᐅᒪᓂᒃᑯᑦ, ᓴᙱᓕᕆᐊᖅᑐᒋᑦ ᐅᖃᐅᓯᕆᔭᐅᔪᑦ ᖁᕝᕙᖅᑎᕆᓂᒃᑯᑦ ᒥᑭᓪᓕᑎᕆᙱᖔᖅᑐᑕ.
ᑲᑐᔾᔨᖃᑎᒌᓐᓂᒃᑯᑦ ᓂᐱᖃᕐᓂᖅ:
ᒪᑭᒪᑎᑦᓯᕗᒍᑦ ᑲᑐᔾᔨᖃᑎᒌᓐᓂᒃᑯᑦ ᓂᐱᖃᕐᓂᕐᒥᒃ ᐃᓚᐅᑎᑦᓯᓂᒃᑯᑦ ᐊᔾᔨᒌᙱᑦᑐᓂᒃ ᐃᓄᓐᓂᒃ ᐅᑭᐅᖅᑕᖅᑐᓕᒫᕐᒥ, ᖃᐅᔨᒪᑦᓯᐊᕆᐊᕈᑎᒋᓪᓗᒋᑦ ᑐᑭᑖᕈᑕᐅᔪᑦ ᐋᖅᑭᑦᑕᐅᓯᒪᑦᓯᐊᕋᓗᐊᕐᒪᖔᑕ ᐊᕕᑦᑐᖅᓯᒪᔪᓂ ᖃᐅᔨᒪᓂᐅᔪᓄᑦ, ᐊᑕᐅᓯᐅᖃᑎᒌᓐᓂᒃᑯᑦ, ᐊᒻᒪᓗ ᑖᑦᓱᒥᖓᑦᓴᐃᓐᓇᖅ ᑕᐅᑐᒐᖃᕐᓂᒃᑯᑦ.
Community driven
We support organizations and individuals who restore and reclaim community power, ensuring every investment contributes to a future where our languages, economies, and governance structures reflect our values.
ᓄᓇᖃᕐᕕᕗᑦ (ᐃᖅᑲᓇᐃᔭᕐᕕᒋᔭᕗᓪᓗ)
ᓄᓇᙳᐊᖅ ᐃᓄᐃᑦ ᓄᓈᑦ
Land claims
Alaska
Inuit Nunangat, Canada
Inuvit · Inughuit · Inuit
ᓯᕗᒧᐊᑦᑎᑦᓯᓂᖅ ᓄᓇᓕᓐᓄᑦ−ᓯᕗᓕᖅᑕᐅᔪᓂᑦ ᓯᕗᓪᓕᐅᑎᑕᐅᒍᒪᔪᓂᑦ
ᕿᒥᕐᕈᓗᒋᑦ ᖃᓄᖅ ᐃᓄᓐᓄᑦ−ᓯᕗᓕᖅᑕᐅᔪᑦ ᐱᓕᕆᐊᓴᐃᑦ ᐆᒻᒪᖅᑎᑦᓯᕙᓪᓕᐊᒻᒪᖔᑕ ᐅᖃᐅᓯᕐᒥᒃ, ᓄᓇᒥᒃ ᐸᖅᑭᑦᓯᓂᕐᒥᒃ, ᖃᓄᕐᓗ ᓴᙱᓕᖅᐹᓪᓕᖅᑎᑦᓯᕙᓪᓕᐊᒻᒪᖔᑕ ᐃᓚᒌᑦᑐᓂᑦ ᓄᓇᑦᑎᓐᓂ.
ᐅᓂᒃᑲᐅᓯᕗᑦ, ᐃᓅᖃᑎᕗᑦ, ᐱᒻᒪᕆᐅᒋᔭᕗᑦ
ᖃᐅᔨᒪᒋᐊᒃᑭᑦ ᐃᓄᖏᑦ ᐊᒻᒪᓗ ᖃᐅᔨᒪᒋᐊᕐᓗᒋᓪᓗ ᐱᒻᒪᕆᐅᒋᔭᐅᔪᑦ ᑲᐃᓪᓗᖅᑐᐃᒍᑕᐅᔪᑦ ᐃᓄᐃᑦ ᓄᓈᓐᓂ ᑮᓇᐅᔭᖅᑑᑎᑦᓴᑦ ᑐᕌᒐᕆᔭᖓᑕ ᑮᓇᐅᔭᖃᖅᑎᑦᓯᓂᖅ ᓇᒻᒥᓂᖅ ᐋᖅᑭᒋᐊᕈᑕᐅᔪᓂᑦ ᐊᓯᔾᔩᓂᕐᒧᑦ ᐃᓄᐃᑦ ᓄᓇᖓᓂ.
